Pas vendimit të Kolegjit Zgjedhor, janë shpallur afatet e reja për zgjedhjet e pjesshme në Bashkinë e Himarës, të cilat do të zhvillohen më 4 gusht 2024.
Sipas aktit të miratuar, afati për regjistrimin e partive është deri më 22 korrik, koalicionet duhet të regjistrohen deri më 24 korrik, ndërsa kandidatët e pavarur kanë afat deri më 25 korrik për të dorëzuar dokumentet e kandidimit në KZAZ.
Fushata zgjedhore fillon më 27 korrik dhe do të zgjasë deri më 2 gusht. Në garë për postin e kryetarit të Bashkisë Himarë janë Vangjel Tavo nga Partia Socialiste dhe Petro Gjikuria nga opozita.
