Joe Biden ka mbështetur zëvendëspresidenten e tij Kamala Harris për të qenë kandidate e Partisë Demokratike për presidenten e Shteteve të Bashkuara të Amerikës, pasi ai ka vendosur të tërhiqet nga garat për rizgjedhje. Në një deklaratë të lëshuar në X, Biden ka thënë se ofron mbështetjen dhe miratimin e tij të plotë për nominimin e Kamala Harris për këtë pozitë.
Ai gjithashtu ka bërë thirrje për unitet në partinë demokratike, duke shtuar se është koha për të bashkuar forcat për të konkurruar kundër Donald Trump në zgjedhjet e ardhshme.
Vendimi i Biden për tërheqjen nga gara është njoftuar me qëllimin për të përqendruar energjitë në detyrat e mbetura të mandatit të tij si President, duke vlerësuar se është në interesin më të mirë të partisë dhe të vendit.
