Këshilli Bashkiak i Tiranës ka miratuar draft-marrëveshjen për ndërtimin e sheshit fundor të Bulevardit të Ri në kryeqytetin shqiptar. Ky vendim jep dritën jeshile për marrëveshjen e grantit me Fondin e Katarit për Zhvillim, një financim prej 11 milionë USD që do të sigurohet përmes Ambasadës së Katarit në Tiranë.
Bulevardi i Ri i Tiranës, i cili shtrihet nga ish-Stacioni i Trenit deri në Lumin e Tiranës, ka shndërruar këtë zonë në një nga qendrat më të rëndësishme urbane të kryeqytetit. Ndërtimi i sheshit fundor synon të plotësojë nevojat infrastrukturore dhe rekreacionale të kësaj zone, duke ofruar një vend qetësie dhe pushimi për qytetarët dhe turistët.
Projekti do të përfshijë një mjedis natyror me elemente të ujit, gjelbërimit dhe hapësirave për aktivitete rekreative dhe relaksuese. Ky nismë synon të rrisë imazhin kulturor të Tiranës, duke kontribuar në rritjen e vlerës së kësaj zone përreth, jo vetëm në nivel lokal por edhe ndërkombëtar.
