Franceska Murati, e njohur nga pjesëmarrja e saj në Big Brother Vip, është përballur me pyetje të shumta nga fansat mbi statusin e saj të lidhjes dhe moshën e bashkëshortit të saj. Në përgjigje të pyetjeve se nëse është ndarë nga bashkëshorti dhe nëse ka diferencë në moshë, Murati sqaroi se ajo dhe partneri i saj janë të dy 29 vjeç dhe kanë një diferencë prej vetëm tre muajsh.
Murati theksoi se ata janë gjithmonë së bashku dhe e shijojnë jetën e tyre private pa e ekspozuar atë në rrjetet sociale për qëllime komerciale. Ajo shprehu se dashuria e saj është reale dhe nuk ka nevojë të promovohet për klikime në Instagram. Franceska e përmendi se ajo është e lumtur me jetën e saj dhe ka zgjedhur të ndanë vetëm atë që i duket e rëndësishme për fansat e saj.
