Mbrojtja Civile po përpiqet të shuajë zjarret në disa rajone të Shqipërisë. Ndër zonat ku po punohet intensivisht janë fshatrat Kakarriq dhe Gjadër në Lezhë, Bode në Maliq, Kus në Tiranë, Mushnik në Rrogozhinë, Salari në Tepelenë, Zavalinë dhe Gostimë në Elbasan.
Ministria e Mbrojtjes raportoi se në total janë 27 vatra zjarri nga të cilat 18 janë shuar në 24 orët e fundit, por 9 vatra të tjera vazhdojnë të jenë aktive. Forcat e zjarrfikësve dhe ekipet e emergjencave janë angazhuar 599 forca dhe 452 mjete në përpjekjet për të kontrolluar situatën dhe për të minimizuar dëmet.
