Klubi i futbollit italian, Cagliari, është në përpjekje për të siguruar shërbimet e sulmuesit shqiptar Mirlind Daku nga Rubin Kazani.
Pas ofertës së parë të refuzuar prej 3 milionë eurosh, Cagliari ka rritur ofertën e tyre në 5 milionë euro të drejtpërdrejtë plus 3 milionë euro në bonus, duke përfshirë performancën e futbollistit nëpër ndeshje, golat dhe asistet.
Megjithatë, klubi rus vazhdon të kërkojë 10 milionë euro për të liruar Dakun. Situata mbetet në pritje për një vendim përfundimtar nga Rubin Kazani, ndërsa një kalim i mundshëm në Serinë A do të ishte një hap shumë i rëndësishëm për karrierën e futbollistit shqiptar.