Një vatër zjarri shpërtheu sot në Malin Partizan në Berat. Inspektimi i zhvilluar nga Drejtoria e MZSh-së Berat zbuloi se zjarri ishte shkaktuar nga persona të paidentifikuar që kishin tentuar ta nxisnin.
Forcat zjarrëfikëse ndërhynë menjëherë dhe arritën të neutralizojnë zjarrin, duke parandaluar përhapjen e tij në një terren të mbushur me pisha e shkurre.
Pas fikjes së zjarrit, policia është angazhuar në hetimet për të identifikuar dhe kapur autorët e dyshuar për këtë tentativë të qëllimshme.