Për javën në vijim, pritet që vendi ynë të jetë nën ndikimin e kushteve atmosferike të qëndrueshme. Aktiviteti i masave të ajrore të nxehta nga Anticikloni i Azoreve dhe veriu i Afrikës do të rezultojë në mot kryesisht të kthjellët gjatë gjithë ditës, me diell të hapur.
Në disa zona të larta kodrinore dhe malore, pritet vranësira herë pas here gjatë mesditës dhe pasdites, të shoqëruara me reshje shiu me intensitet të ulët. Këto reshje do të jenë të shkurtra dhe mund të shoqërohen me shkarkesa elektrike dhe breshër në forma të izoluara.
Era do të fryjë me drejtim nga veriperëndimi në verilindje me shpejtësi 3-8 m/s në pjesën më të madhe të vendit, ndërsa në bregdet dhe lugina të brendshme të maleve, do të jetë më e fortë me shpejtësi 10-14 m/s, duke shoqëruar dallëzim të forcës 1-3 në skalan e Beaufortit.
