Në Lojërat Olimpike të Parisit rreth 40 atletë pjesëmarrës kanë rezultuar pozitivë me Covid.
Gazeta franceze ‘L’Equipe’ thotë që këtë e ka zbuluar Organizata Botërore e Shëndetësisë .
“Nuk është për t’u habitur të shohësh atletë të infektuar, sepse virusi qarkullon mjaft shpejt në vende të tjera. Në muajt e fundit, shumë vende kanë regjistruar shpërthime të Covid, përfshirë në Lojërat Olimpike”, tha Maria Van Kerkhove, një epidemiologe përgjegjëse për gatishmërinë ndaj epidemisë dhe pandemisë në OBSH, gjatë një konference për shtyp në Gjenevë.
Ajo shtoi se IOC së bashku me OBSH-në kanë shikuar të gjitha qasjet e ndryshme që nevojiten për t’u vënë në veprim në ngjarje të populluara me njerëz si Lojërat Olimpike, dhe kanë ndërmarrë hapat e nevojshëm.
