Modelja Klea Prenga ka bërë një denoncim të rëndësishëm në Instagram, duke akuzuar se është sulmuar nga Mariela dhe Antonela Berisha. Sipas denoncimit të Prengës, ngjarja ndodhi më 6 gusht në një restorant në Tiranë rreth orës 21:30.
Në postimin e saj, Prenga përshkruan se dikush e ka goditur nga pas dhe i ka thyer një gotë në fytyrë ndërsa ajo po darkonte. Ajo ka publikuar foto që tregojnë dëmtimet e saj, përfshirë një të çarë të madhe në fytyrë dhe gjak në bluzë.
Modelja thekson se pas sulmit ka marrë një mesazh kërcënues, ku thuhej se Mariela Berisha kishte organizuar sulmin për të shkatërruar imazhin e saj. Prenga e ka quajtur këtë akt si një përpjekje të dështuar për ta ndikuar dhe ka kritikuar rëndë Mariela dhe Antonela Berisha për veprimet e tyre.
“Jam mirënjohëse që jam ende këtu dhe se nuk përfundoi më keq. Policia po heton ngjarjen, dhe shpresoj që drejtësia të vihet në vend. Ky sulm nuk do të më ndalojë; përkundrazi, do të më bëjë më të fortë dhe më të vendosur”, shkruan modelja.
