Kreu i FRPD-së, Besard Xhaferri, ka reaguar pas incidentit në protestën e Krujës ku një protestues, duke mbajtur fëmijën në krah, u godit nga policia.
Xhaferri e ka quajtur këtë akt të rëndë dhe të pashembullt, duke theksuar se përfaqëson një degradim të policisë dhe një shembull të qartë të shkeljes së ligjeve dhe normave njerëzore nga Narkoshteti i qeverisë Rama.
Ai kërkon që efektivi i policisë të pezullohet dhe të hetohet nga AMP.
“Ata banorë meritojnë zgjidhje pasi mungesa e aksesit në autostradë mbyll 500 biznese nga Thumana në Kamëz dhe rrënon ekonomikisht mijëra familje.
Banorët e Krujës kanë propozuar vetë ta ndërtojnë nënkalimin dhe të tarifohen por babëzia e Edi Ramës dhe urrjetja e tij për qytetarët nuk njeh limite” shkruan Xhaferri.
