Ekipi olimpik i Shqipërisë do të mbërrijë nesër në Tiranë, duke sjellë në atdhe dy medalje olimpike. Kryetari i Bashkisë së Tiranës, Erion Veliaj, ka ftuar qytetarët që të mblidhen në Rinas për të pritur kampionët.
“Nesër, të gjithë bashkë, do të jemi në Rinas për të pritur kampionët tanë olimpikë! Çunat e Sport Klub Tiranës sollën dy medalje olimpike për Shqipërinë, një arritje historike që na bën të ndihemi më krenarë se kurrë,” shkroi Veliaj.
Dy sportistët, Chermen Valiev dhe Islam Dudaev, të cilët garuan në disiplinën e mundjes, kanë bërë histori duke fituar medaljet e para olimpike për Shqipërinë.
