Këngëtari Alban Skënderaj po shijon pushimet e gushtit me familjen e tij, pas një periudhe të ngarkuar me projekte muzikore.
Ai ka ndarë me ndjekësit e tij në Instagram një moment të veçantë, duke postuar një foto me të birin në pishinë dhe duke reflektuar mbi rolin e tij si baba.
Në postimin e tij, Alban shpreh ndjenjat e tij të thella për fëmijët e tij, Amelinë dhe Duamin. Ai e përshkruan veten si të “në borxh” me ta për shkak të mungesës së tij gjatë muajve të tjerë, kur është shumë i angazhuar me muzikën.
“Jam pak në ‘borxh’ këto kohë me këto dy dashuritë! Jam me fat që i mirëkuptojnë qëllimet e mia të mira dhe që janë gjithçka për mua. Gjithsesi, po e kuptoj gjithmonë edhe më shumë që askush dhe asgjë s’mund ta zëvendësojë prezencën e një babai,” shkruan Skënderaj në Instastory.
