Garda Civile e Spanjës, në kuadër të operacionit “Kupina,” ka zbuluar dhe çmontuar tre plantacione të kanabisit në rajonin e Luginës së Guadalhorce.
Plantacionet, të vendosura në dy magazina në Cártama dhe Coín, dhe në një shtëpi rurale në Álora, ishin të lidhura ilegalisht me rrjetin elektrik. Hetimi filloi marsin e kaluar, kur agjentët zbuluan një plantacion në Cártama dhe arrestuan një individ spanjoll me 380 bimë kanabis në furgon.
Pas kontrolleve, janë sekuestruar 400 bimë kanabis, 28 kg drogë dhe një armë zjarri. Pesë persona, me kombësi shqiptare dhe spanjolle, janë identifikuar për krime të organizatës kriminale dhe mashtrim me energjinë elektrike, ndërsa tre janë arrestuar deri tani.
Hetimet vijojnë për gjetjen e pjesës tjetër të të përfshirëve.
