Një zjarr i madh ka shpërthyer në zonën e Kongrazhdit, pranë Burrelit, duke përfshirë një sipërfaqe të gjerë.
Flakët, që janë aktivizuar pak minuta më parë, kanë prekur fillimisht disa livadhe me bar të thatë dhe më pas janë përhapur në një zonë më të gjerë, duke shkatërruar edhe dushqet përreth.
Era e fortë ka ndihmuar në përhapjen e flakëve, duke e bërë të vështirë izolimin e zjarrin. Tani, në vendngjarje janë mobilizuar dy automjete zjarrfikëse nga Bashkia e Matit, një ekip kundër zjarrit, shërbimi pyjor dhe policia lokale.
Për shkak të përmasave të mëdha të zjarrit, është kërkuar edhe ndihma e banorëve të zonës për të ndihmuar në kontrollin e flakëve dhe për të parandaluar përhapjen e mëtejshme.
