Deputeti Ervin Salianji ka akuzuar policinë për neglizhencë dhe manipulim në rastin e vrasjes së Egli Progës në Pogradec, duke e krahasuar me rastin e Klodian Rashës.
Ai tha: “Drejtues të policisë së shtetit fatkeqësisht në mënyrë të përsëritur, nuk kanë interes të zbardhin ngjarjet por të zbardhin faqen e qeverisë!”
Salianji e kritikoi Ministrin e Brendshëm për mungesën e reagimit dhe kërkoi të di nëse Policia e Pogradecit e ka raportuar ngjarjen si aksidentale.
“Kronikë e përsëritur që për ta qepur manipulimin e ngjarjes nuk reagon drejtoria vendore as komisariati por Drejtoria e Përgjithshme.
Si pas çdo rasti për drejtuesit e policisë fajin e ka viktima!
‼️Përgjegjësi politik ministri i brendshëm nuk ka reaguar ende, mbase po mendon dorëheqjen për të mbajtur të njëjtin standart qe u vendos me dorëheqjen pas manipulimit të vrasjes së Klodian Rashës!
Pyetje për ministrin dhe drejtorin e përgjithshëm,
A e ka referuar Policia e Pogradecit prokurorisë ngjarjen si aksidentale?“, përfundon Salianji në shkrimin e tij.
