Jasveen Sangha, e njohur si “Mbretëresha e Ketaminës”, është nën akuzë për furnizimin e ketaminës që shkaktoi vdekjen e Matthew Perry, aktorit të “Friends”.
Sangha, e cila ka shtetësi të dyfishtë amerikano-britanike, përballet me nëntë akuza për shpërndarjen e drogës dhe konspiracion. Ajo u deklarua e pafajshme dhe mbetet në paraburgim deri në gjyqin që pritet të mbahet në tetor.
Sangha dyshohet se ka furnizuar ketaminë që nga viti 2019 dhe kishte një rrjet të gjerë klientësh, përfshirë të famshëm.
Pas vdekjes së Perry-t, ajo vazhdoi të postonte për jetën e saj luksoze në rrjetet sociale. Nëse dënohet, ajo përballet me dënime të rënda, duke përfshirë burg të përjetshëm.
