Modelja e njohur Adrola Dushi ka publikuar për herë të parë një foto së bashku me këngëtarin Capital T, duke i dhënë fund spekulimeve të gjata për një romancë mes tyre.
Në përshkrimin e postimit të saj, Adrola shkruan “Time Capsule, nuk zhgënjen asnjëherë”, duke iu referuar koncertit të fundit të këngëtarit në Tiranë.
Prej kohësh, në media janë përfolur lidhur me një marrëdhënie të mundshme midis Adrolës dhe Capital T, por asnjëri prej tyre nuk e ka konfirmuar zyrtarisht deri tani.
Të dy kanë shprehur publikisht admirimin për njëri-tjetrin në disa intervista, me Capital T që e ka quajtur Adrolën si një nga femrat më të bukura shqiptare, ndërsa Adrola e ka përshkruar Capital T si mashkullin më të bukur shqiptar.
