Ernest Muçi, sulmuesi shqiptar që kishte një sezon të shkëlqyer me Beshiktashin, tani është nën radarin e një klubi saudit.
Pas një periudhe të suksesshme që përfshinte fitimin e Kupës së Turqisë dhe performanca të mira në 17 ndeshje, Muçi është aktualisht i lënë në stol nga trajneri i ri i Beshiktashit, Xhovani Van Bronkhorst.
Ndërkohë, raportohet se një klub i panjohur nga Arabia Saudite ka shprehur interes për shërbimet e tij. Po ashtu, ka mundësi për një huazim në Turqi, me klube të ndryshme të Superligës si Bashaksehirspor, Ejupspor, Bodrum dhe Rizespor që mund të jenë të interesuar.
Beshiktash, që pagoi 10 milionë euro për Muçin kur e mori nga Legia e Varshavës në janar, mund të preferonte një huazim për momentin. Edhe pse u fol për një transferim të mundshëm në Aston Vila për 20 milionë euro, deri tani ky kalim nuk është materializuar. Sipas mediave turke, klubi nga Stambolli kërkon të paktën 15 milionë euro për kartonin e 23-vjeçarit.
