Kompania turke “Kurum International” në Elbasan ka mbyllur plotësisht repartin e çelikut dhe pjesërisht atë të petëzimit. Kjo bëhet e ditur përmes një shkrese që i është dërguar Ministrisë së Ekonomisë.
Egliver Laloshi, përgjegjës i Sektorit të Inspektimit në Qarkun e Elbasanit ka sqaruar për mediat se cilat janë arsyet që ka paraqitur kompania. Në media ka qarkulluar lajmi se janë 500 punonjës të larguar, por Laloshi e mohon këtë duke i cilësuar largimet sporadike.
Kurum mbylli dyert për 500 punonjës, Inspektorati Shtetëror i Punës monitoron kompaninë turke
Sipas dokumentit, uzina e Çelikut është ndërprerë prej më shumë se një jave dhe shkak sipas kompanisë është bërë rritja e kostos së prodhimit të çelikut, duke bërë që kjo kompani të mos jetë konkurruese me tregun e Kinës dhe Turqisë. Për uzinën e Petëzimit pritet montimi i pajisjeve të teknologjisë së re, sipas dokumentit.
Kurum hedh punëtorët në rrugë pas skandalit, Malaj: Qeveria të mos e tolerojë
Kompania po monitorohet nga Inspektorati Shtetëror i Punës dhe Shërbimeve Shoqërore (ISHPSHSH). Një grup prokurorësh dhe oficerë të Krimit Ekonomik kanë zbarkuar në zyrat e kompanisë turke “Kurum International” në Elbasan.
Deputeti socialist Erion Braçe dhe jo vetëm këtë lëvizje të Kurum e cilësojnë presion dhe shantazh ndaj qeverisë pas daljes së skandalit me mbetjet që u bllokuan në Kinë, që dyshohet se janë të kësaj kompanie.
