Presidenti francez Emmanuel Macron ka sqaruar se arrestimi i Pavel Durov, themeluesit të Telegramit, ishte pjesë e një hetimi gjyqësor dhe nuk kishte motive politike.
“Arrestimi i Durovit në tokën franceze u krye si pjesë e një hetimi gjyqësor,” tha Macron në X. Durov, i cili u ndalua në aeroportin Bourget më 24 gusht, po merret në pyetje për akuza që përfshijnë mashtrim dhe kontrabandë me drogë.
Telegrami ka shpërndarë një deklaratë ku thuhet se Durovi “nuk ka asgjë për të fshehur” dhe është duke pritur për një zgjidhje të shpejtë të situatës.
Jean-Michel Bernigaud, kreu i OFMIN, ka theksuar se “në qendër të kësaj çështjeje është mungesa e moderimit dhe bashkëpunimi i platformës në luftën kundër pedofilisë.”
