Ministrja e Arsimit dhe Sportit, Ogerta Manastirliu, njoftoi sot fillimin e shpërndarjes së librave falas për më shumë se 238 mijë nxënës në vitin e ri shkollor.
“Me buxhetin e këtij viti prej mbi 9 milion dollarë, do të sigurojmë që nxënësit në arsimin bazë dhe 16 kategori në arsimin e mesëm të pajisen me tekste shkollore falas,” tha Manastirliu gjatë një aktiviteti në Shkollën e Kuqe në Tiranë.
Shpërndarja e librave do të vazhdojë deri në fillim të shtatorit dhe është e fokusuar për nxënësit nga familje me problematika sociale, fëmijët me aftësi ndryshe dhe ata nga pakicat dhe minoritetet.
“Ky program synon të lehtësojë barrën financiare për mijëra familje dhe të ofrojë mbështetje të veçantë për ata që kanë më shumë nevojë,” shtoi ministrja.
