Më shumë se 100 ushtarë amerikanë nga Batalioni i Helikopterëve Sulmues të Regjimentit 183, pjesë e Gardës Kombëtare të Idahos, do të vendosen në Kosovë për të mbështetur NATO-n. Ky batalion, i përgatitur dhe pajisur me helikopterë për transport ajror dhe operacione sulmuese, është angazhuar në një mision 11-mujor në kuadër të misionit paqeruajtës.
Garda Kombëtare e Idahos njoftoi se trupat janë stërvitur në Teksas para se të nisen drejt Kosovës. Gjenerali amerikan Tim Donnellan ka shprehur besim të plotë në suksesin e misionit dhe ka uruar ushtarët që të kthehen të sigurt në shtëpi.
Ky është misioni i parë i këtij batalioni në Ballkanin Perëndimor që nga viti 2003, kur grupi i fundit kishte qenë në Bosnjë për një mision humanitar. Në muajt e fundit, ka pasur një rritje të numrit të ushtarëve të NATO-s në rajon.
