Ministri i Brendshëm Ervin Hoxha priti sot Ambasadoren e Kanadasë Elissa Goldberg, ku biseduan rreth bashkëpunimit dypalësh për çështjet e sigurisë dhe luftës kundër krimit të organizuar.
Hoxha në bisedim nënvizoi rëndësinë e koordinimit dhe mbështetjes në fushën e sigurisë kibernetike dhe teknologjisë së informacionit, zbatimin e letër-porosive e çështjeve të tjera të zbatimit të ligjit.
Ndërsa ambasadorja shprehu gatishmërinë për mbështetje të Kanadasë ndaj Shqipërisë për çështjet me interes të përbashkët si lufta kundër krimit të organizuar, pastrimi i parave, problemet e migracionit, si dhe për trajnimet profesionale dhe efektive të Policisë së Shtetit.
