Zëvendësdrejtori i CIA-s, David Cohen, ka deklaruar se Rusia do të ketë shumë vështirësi në rikthimin e territorit që ka humbur në rajonin e Kurskut.
Në një samit në Uashington, Cohen theksoi se rëndësia e pushtimit të Kurskut është ende e paqartë dhe se trupat ukrainase janë duke ndërtuar linja mbrojtëse për të mbajtur kontrollin mbi territorin që tani e kanë nën kontroll.
Ai parashikoi se Putini do të përpiqet për një kundërofensivë për të rimarrë territorin, por do të ndeshet me sfida të mëdha. Ukraina tani kontrollon 100 vendbanime në rajonin e Kurskut, ndërsa forcat ruse vazhdojnë përparimin në Donetsk.
