Ceremonia e hapjes e Lojërave Paralimpike Paris 2024 ka nisur në mënyrë madhështore, me rreth 4,400 atletë që marshuan përgjatë Champs-Elysees drejt Place de la Concorde.
Ky event, i cili për herë të parë zhvillohet jashtë një stadiumi, është shënuar me një spektakël artistik dhe një parade në qendër të qytetit, ku pjesëmarrësit kanë ndjekur ngjarjen falas përpara ceremonisë kryesore me bileta.
Tymi në ngjyrat e flamurit francez, i lëshuar nga ekipi i shfaqjes ajrore Patrouille de France, ka krijuar një atmosferë festive në Paris. Atletët nga 184 delegacione do të garojnë në 22 sporte për 549 medalje ari, ndërsa drejtori artistik Thomas Jolly ka premtuar një ceremoni të veçantë që thekson vlerat e atletëve paraolimpikë.
Presidenti i Komitetit Paralimpik Ndërkombëtar, Andrew Parsons, beson se Paris do të ofrojë Lojërat Paralimpike më spektakolare ndonjëherë.
