Aktori Mehdi Malkaj, i cili është shtruar në spital për probleme me zemrën, mori pjesë në protestën për Berishën te “Rruga e Shpresës”.
Ai i kërkoi deputetëve dhe simpatizantëve të PD të shfaqen në protestë dhe të marrin veprime konkrete, duke theksuar se, edhe pse është sëmurë, ka ardhur për të mbështetur kauzën.
Malkaj theksoi se nuk do të ketë fitore derisa të nxirret në publik ish-kryeministri Sali Berisha, i cili ndodhet në arrest shtëpie që prej 30 dhjetorit 2023.
“Ju lutem shumë, së pari deputetëve të PD, pastaj anëtarëve të PD dhe simpatizantëve, nëse do rrinë rehat edhe do vonë këtu dhe do thonë tre fjalë dhe do ikin… pa nxjerrë atë burrin që është atje nuk ka fitore. Bëni çfarë të doni.
Edhe një herë anëtarëve të PD, simpatizantë… unë jam simpatizantë dhe vij, po ata nuk duhet të vijnë? Ku janë këta? Unë jam i sëmurë dhe vij. Nëse PD do të vijë në pushtet, unë dua që të vij, atëherë t’i marrin gjërat seriozisht”, u shpreh aktori.
