Barazimi i dytë në tre javë. Reali nuk ndez. Skuadra e Carlo Ancelottit nuk shkoi më shumë se barazimi 1-1 ndaj Las Palmas në transfertë, në duelin e vlefshëm për javën e tretë të La Ligës.
Nuk ishte aspak fillimi i pritur për një Real Madrid yjor, i kurorëzuar me ardhjen e Mbappes. Real Madrid dhe Mbappe janë bllokuar dhe vetëm tre javësh pas fillimit të Ligës skuadra e Ancelottit tashmë është në problem.
Goditja e dytë në tre ndeshje e lë tashmë katër pikë prapa Barcelonës, e cila ikën në krye të renditjes pas fitoreve së plotë. Sa hap e mbyll sytë, Madridi tashmë është futur në telashe në mbrojtjen e titullit.
Nuk është një avantazh i madh dhe Liga sapo ka filluar, por tashmë është një pikë diferencë me të cilën bien alarmet e para sepse Reali nuk u lë vend për më shumë gabime.
