NATO shprehu zhgënjim për operacionin e Qeverisë së Kosovës në veri, duke thënë se nuk ishte koordinuar me KFOR-in, përkundër zotimeve të mëparshme për këtë koordinim.
Zëdhënësja Farah Dakhlallah kërkoi de-përshkallëzim dhe angazhim të plotë në Dialogun e BE-së, duke theksuar se KFOR-i është i gatshëm të mbështesë mandatin e OKB-së për të gjitha komunitetet në Kosovë.
“Shumë i zhgënjyer nga aksionet e djeshme në veri të Kosovës të cilat nuk ishin të koordinuara me@NATO_KFOR pavarësisht zotimeve të përsëritura për ta bërë këtë. KFOR-i është plotësisht i përgatitur për të mbështetur mandatin e tij të OKB-së Rezoluta 1244 për të gjitha komunitetet në Kosovë. Duhet de-përshkallëzimi dhe angazhimi i plotë në Dialogun e BE-së”, shkruhet në postim.
