Çdo gjë që është e arsyeshme mbështetet në parimin e moskontradiktës. Kështu duhet të ketë menduar Carlo Ancelotti kur vendosi të ndryshojë planin e hartuar sezonin e kaluar me gjuajtjet e penalltive. “Të gjithë kanë punuar mirë dhe Vini Jr i ka dhënë penalltinë. Ai ka qenë shumë altruist dhe të dy, me Rodrygon, kanë një marrëdhënie të mirë. Për Mbappen është e rëndësishme të shënojë, por ne e vlerësojmë punën kolektive”, shpjegoi italiani. Trajneri ua ka lënë në dorë të dy futbollistëve.
Sistemi i ri i zgjedhjes së Real Madridit po funksionon në mënyrë perfekte. Braziliani shënoi golin e parë në barazimin ndaj Las Palmas dhe ndaj Betisit një penallti e dhënë për numrin ‘7’, ishte e dyta e sezonit. “Kylian, ti!” Vinicius e siguroi shokun e tij të skuadrës kur Alberola Rojas shkoi për të parë një penallti të mundshme në VAR. Braziliani e kishte të qartë dhe e dinte që duhej të ekzekutonte penalltinë sepse kontakti ishte evident. Ai e kaloi Rui Silvën pas një pasimi të shkëlqyer të Brahimit dhe u rrëzua kur e vetmja gjë për të bërë ishte të gjuante drejt portës bosh.
“Është komunikim, Vini gjuan të parin dhe unë të dytin. Trajneri na jep liri të dyve dhe duhet të jemi inteligjentë për të parë se si po shkon loja. Siç e thashë ditën e parë në prezantimin tim, nuk dua t’i detyroj gjërat dhe të arrij këtu dhe të kap topin, dua që gjithçka të dalë natyrshëm, penalltitë janë diçka që ne do ta bëjmë natyrshëm” shpjegoi Kylian Mbappé.
