Greqia ndalon përdorimin e telefonave celularë gjatë mësimit në shkolla fillore dhe të mesme nga shtatori.
Kryeministri Kyriakos Mitsotakis njoftoi se nxënësit do të mund të sjellin celularët në shkollë, por nuk do të mund t’i përdorin gjatë mësimit.
Ligji, i ngjashëm me atë të Belgjikës dhe Francës, ndalon gjithashtu filmimin dhe talljen e shokëve dhe mësuesve. Nxënësit që shkelin rregullat do të pezullohen nga shkolla ose do të përjashtohen.
Mitsotakis e cilëson këtë si një hap për të përmirësuar fokusin e nxënësve në mësim.
