Kjo është makina tip Golf 5, me të cilën autorët e dyshuar kanë kryer atentatin dje në Tiranë dhe më pas janë larguar nga vendi i ngjarjes.
Kastriot Elezi 45 vjeç dhe Ronaldo Metushi 22 vjeç të plagosur deklaruan para grupit hetimor se nuk i panë personat që i qëlluan.
“Jam i papune dhe siç bëj zakonisht pija kafe poshtë banesës së Kastriotit tek lokali ku edhe ndodhi ngjarja. Ata të lokalit unë i njoh të gjithë pasi kam punuar para ca kohesh si kamarier aty.
Për sa u përket autorëve nuk munda ti shoh pasi makina ishte me shpejtësi dhe gjithçka ndodhi për shumë pak sekonda. Kam ndjerë një dhimbje në pjesën e këmbës dhe kuptova qe jam plagosur me plumb.
Unë nuk kam konflikte se di kush mund ta ketë bërë” tha Metushi. Edhe Elezi ka thënë se është i papunë dhe thuajse çdo ditë konsumonin kafe në këtë lokal.
Plumba në Tiranë, flasin të plagosurit: Jemi pa punë, dolëm për kafe
