Tre persona janë arrestuar në Himarë për mashtrim pasi kërkonin 8 mijë euro nga një biznesmen duke u paraqitur si zyrtarë.
Operacioni i koduar “Notification” u organizua nga DVP Vlorë dhe Komisariati i Policisë Himarë, pas një denoncimi nga administratori i një subjekti tregtar. Të arrestuarit janë S. D., 30 vjeçe, K. D., 32 vjeçe dhe D. V., 27 vjeçe, të gjithë nga Vlorë.
Ata kishin kontaktuar biznesmenin në aplikacionin “Signal” duke përdorur një numër telefoni të regjistruar si zyrtar. Në cilësinë e provës materiale, janë sekuestruar një automjet dhe katër celularë. Materialet janë dorëzuar në Prokurorinë e Vlorës për veprime të mëtejshme.
