Deputetja e PD-së, Andia Ulliri, mori pjesë në protestën e banorëve të Krujës, ku theksoi se e drejta për lëvizje është një e drejtë kushtetuese që duhet të respektohet.
Ajo kritikoi institucionet për mungesën e reagimit ndaj kërkesave të banorëve për hapjen e aksit rrugor. Ulliri u shpreh se protesta, e cila ka kaluar në një fazë më të intensifikuar, nuk është politike, por një kërkesë për mbijetesë dhe të drejtat themelore të qytetarëve.
“Lëvizja e lirë është e drejtë kushtetuese. Kjo rrugë është bërë mbi pronat e qytetarëve të Bashkisë së Krujës. Institucionet duhet të kishin dhënë përgjigje që në fillim.
Kjo nuk është protestë politike, jemi bashkuar për qëllim tonë. Sot bëhet fjalë për mbijetesë, e kjo ndodh më 2024. Protesta do ndalet kur të ketë një përgjigje”, tha deputetja Ulliri.
