Ministri i Drejtësisë Ulsi Manja me anë të një postimi ka njoftuar heqjen e licencës për 11 noterë në mbarë vendin si dhe sekuestrimin e 17 arkivave noteriale.
Manja shprehet se gjatë periudhës janar-gusht 2024 Ministria e Drejtësisë ka realizuar 42 inspektime , pasi kanë ardhur si përgjigje ndaj shqetësimeve të ngritura nag qytetarët, si dhe për të garantuar zbatimin e rregullave ligjore nga ana e noterëve.
“Si rezultat i këtyre inspektimeve të thelluara, janë marrë masa administrative ndaj 22 noterëve të cilët janë konstatuar me shkelje. Prej tyre, 11 noterëve u është hequr përfundimisht licenca, 4 të tjerë janë pezulluar, ndërsa ndaj 7 noterëve janë vendosur masa administrative. Gjithashtu, janë sekuestruar 17 arkiva noteriale”, njofton Manja.
