Kryetarja e Kuvendit, Elisa Spiropali, ka thirrur në takim 4 kryetarët e grupeve parlamentare në fillim të sesionit të ri parlamentar.
Takimi, që po mbahet në kryesinë e Kuvendit, ka për qëllim të forcojë koordinimin dhe bashkëpunimin ndërmjet palëve.
Në takim janë të pranishëm kreu i grupit parlamentar të PS-së, Niko Peleshi; kreu i grupit të PD-së, Gazment Bardhi; kreu i grupit “Demokracia dhe Integrim”, Mesila Doda; dhe kreu i grupit “Aleanca për Ndryshim”, Agron Duka.
Të katër grupet parlamentare kanë përfaqësuesit e tyre në Kuvend, me PS-në që ka 75 deputetë, PD-në 39, dhe secilin nga dy grupet e tjera me nga 7 deputetë.
