Ka përfunduar me sukses ndërhyrja kirurgjikale e ish-kryeministrit Fatos Nano, e cila përfshinte vendosjen e një proteze të pjesshme në këmbë, pas një dëmtimi të pësuar.
Nano, i cili u shtrua në spital më 11 Shtator, do të vazhdojë të qëndrojë në institucionin mjekësor për një periudhë rehabilitimi të plotë.
Ky është një rast i dytë që ish-kryeministri përballet me një problem të rëndë shëndetësor, pasi një vit më parë, ai kaloi disa javë i intubuar për shkak të një komplikacioni respirator.
Fatos Nano, 72 vjeç, ka qenë jashtë politikës që nga viti 2005.
