Ministria e Shëndetësisë ka nisur inspektimet në çerdhe, kopshte dhe shkolla për të siguruar standarde higjieno-sanitare të larta.
Ministrja Albana Koçiu ka vizituar shkollën “Qazim Turdiu” në Tiranë dhe njoftoi për programin e ri të depistimit të skoliozës, që do të implementohet këtë vit shkollor.
“Vijojmë me inspektimet për të kontrolluar që plotësojnë kushtet higjieno-sanitare dhe që gjithçka është në rregull”, u shpreh ministrja.
Po ashtu, janë ofruar kontrolle falas dentare dhe të shikimit për fëmijët 6-14 vjeç. Instituti i Shëndetit Publik ka publikuar rekomandime për ushqyerjen e shëndetshme të fëmijëve.
