25-vjeçari nga Kukësi, i cili ishte marrë peng në Francë në këmbim të 24 mijë paundëve, është liruar mbrëmjen e së mërkurës, 11 Shtator 2024.
Burime nga autoritetet shqiptare tregojnë se A.S. ka kontaktuar me vëllanë e tij në Kukës, ndërsa autoritetet presin konfirmimin zyrtar nga Interpol Lyon për lirimin dhe hetimet e mëtejshme.
Për këtë ngjarje, Policia e Kukësit ka arrestuar dy persona, Shpresim Hasanaj dhe Astrit Elezi, që dyshohet se ndihmuan të riun të kalonte kufirin ilegalisht, duke e dërguar nga Kukësi në Belgjikë dhe më pas në Francë, me destinacion final Britaninë e Madhe.
