Melania Trump ka akuzuar qeverinë amerikane për shkelje të privatësisë pas bastisjes së FBI-së në shtëpinë e saj në Mar-a-Lago në vitin 2022.
Në një video promovuese për librin e saj të ardhshëm, ajo thekson se bastisja ishte një shkelje e Kushtetutës dhe një kërcënim për liritë amerikane. “FBI bastisi shtëpinë time dhe kontrolloi sendet e mia personale,” shkroi ajo në X, duke e përshkruar incidentin si një paralajmërim për të gjithë amerikanët në lidhje me respektimin e lirisë dhe të drejtave.
Bastisja kishte si qëllim të zbulohej nëse ish-presidenti Donald Trump kishte marrë dhe mbajtur dokumente sekrete nga Shtëpia e Bardhë, pasi kishte refuzuar t’i kthente ato.
