Para Qeverisë së Kosovës është zhvilluar një protestë e organizuar nga Forumi Ekonomik i Grave, kundër heqjes së Ligjit për Punën nga Kalendari Legjislativ.
Ky është rasti i dytë që nga shkurti 2024 që forumi kërkon veprime urgjente nga Qeveria, pa marrë ndonjë përgjigje. Drejtoresha e Iniciativës Kosovare për Stabilitet, Brikena Hoxha, ka akuzuar qeverinë se po mbështet vazhdimin e shkeljeve të të drejtave të punëtorëve duke shtyrë miratimin e amendamenteve të ligjit.
Koordinatorja e Forumit, Saxhide Mustafa, ka paralajmëruar se nëse Qeveria nuk reaguar brenda 7 ditëve, do të përdoren metoda të tjera dhe do të angazhohen odat ekonomike dhe sindikatat për të shtyrë ligjin më tutje. Ky ligj është në proces ndryshimi që nga viti 2018, dhe DHTIK ka shprehur gjithashtu shqetësime për ndikimin e tij në tregun e punës.
