Policia e Shkodrës ka nisur procedimin penalisht për një 37-vjeçar me iniciale D.B pasi mbante një shpend të rrallë.
Shoqata për Ruajtjen dhe Mbrojtjen e Mjedisit Natyror në Shqipëri bazuar në disa video të publikuar në rrjete sociale ka nisur hetimet për shpendin e rrallë të mbrojtur me ligj.
Gjatë kontrollit në banesën e 37-vjeçarit u gjet shpendi, i cili aktualisht po trajtohet nga specialistët e menaxhimit veterinar të bashkisë së Shkodrës.
Ndërkohë materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër.
