Gjykata e Posaçme ka shtyrë seancën e ish ministrit Ilir Beqaj për në datë 3 tetor, shkak u bë tejzagjatja prej 4 orësh dhe mosarritja e leximit të akteve nga SPAK.
Gjatë seancës Beqaj pati një pretendim që lidhet me thirrjen e tij në tetor, në Komisionin Hetimor Parlamentar të ngritur për çështjen e sterilizimit.
“Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen SASPAC), sa kohë do më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet një pjesë e të cilave përbëjnë sekret hetimor, dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës”, us hpreh Beqaj para GJKKO-së.
Beqaj akuzohet për shpërdorim detyre për çështje e sterilizimit dhe u la në masën detyrim paraqitje.
