Aleksandar Nikolloski, ministri i Transportit dhe Lidhjeve në Maqedoninë e Veriut, ka deklaruar se Shqipëria nuk do të bëhet anëtare e plotë e Bashkimit Evropian, duke e lidhur këtë me qëndrimet e BE-së, jo me Shqipërinë vetë.
Ai theksoi se Maqedonia e Veriut do të bashkohet me Shqipërinë në procesin integrues, duke iu referuar një marrëveshjeje të mëparshme.
Nikolloski kishte parashikuar këtë bashkim në të kaluarën, por tani shpreh besimin se anëtarësimi i Shqipërisë është i pamundur.
“Fillimisht thashë se do ta bashkojnë Maqedoninë dhe Shqipërinë në bazë të një marrëveshjeje të Bujar Osmanit dhe MPJ-së së atëhershme të Shqipërisë. Askush nuk besonte atëherë, madje qeveria dërgoi njoftime se ishte fantashkencë. Ajo fantashkencë u bë e vërtetë dhe ne u bashkuam me Shqipërinë. Unë tani deklaroj se Shqipëria nuk do të bëhet kurrë anëtare e BE-së. Jo për shkak të Shqipërisë, por për shkak të qëndrimeve të Bashkimit Evropian”, tha Nikolloski.
