Elon Musk ka shprehur ambicien për të dërguar “këdo që dëshiron” në Mars, por ka shfaqur shqetësim nëse Kamala Harris zgjidhet presidente e SHBA.
Në një postim në X, ai njoftoi se synon të dërgojë pesë anije kozmike në Mars brenda dy viteve, duke theksuar se në të ardhmen do të ketë mijëra Starships që do të udhëtojnë atje.
Musk, një mbështetës i fortë i Donald Trump, ka kritikuar administratat demokratike për tendencën e tyre për të “shkatërruar programin e Marsit” përmes burokracisë. Ai ka bërë të qartë se beson se pa Trump në Shtëpinë e Bardhë, ambiciet për eksplorimin e Marsit do të dështojnë.
Trump, në një tubim të fundit, premtoi se do të punonte me Musk për të realizuar këtë qëllim nëse kthehet në presidencë.
