Moderatorja dhe këngëtarja Klea Huta po kalon një periudhë të vështirë shëndetësore. Pak javë më parë ajo postoi se në udhëtimin në Ibiza humbi valixhet si dhe pësoi një lëndim gjatë zhytjes.
Ndërsa mbrëmjen e djeshme me anë të një postimi ka treguar se nuk po ndihet mirë dhe shfaqet me aerosl.
Klea shprehet se këto tre muaj nuk kanë qenë në favorin e saj dhe të gjitha planetet i janë përmbysur.
“Nuk gjeta rehat sikur 1 javë të plotë. Fluturime të vonuara, valixhe të humbura, mes i thyer, gjunjë të vrarë, trup e shpirt të sakatuar, streptokok dhe tani qershia mbi tortë: Covid. Kam 2 javë e izoluar në shtëpi. Të premten dola e vajta në teatër, dje prapë në shtëpi dhe sot një xhiro në breg të detit. Dhimbja e kokës, e tmerrshme. Hundët e pamundur të mbushesh me frymë. Provova avull me gjethe dafine, thitha raki me hundë, ujë fiziologjik me shiringë dhe prapë asgjë. E fundit më mbeti aerosoli. Të shohim si do të shkojë”, shkruan Klea.
