Miroslav Lajçak, dërguar i BE-së për dialogun Kosovë-Serbi, ka darkuar me James O’Brien dhe Alexander Kasanof, dy diplomatë të lartë amerikanë, ku diskutuan për normalizimin e marrëdhënieve mes Kosovës dhe Serbisë.
Lajçak theksoi rëndësinë e këtyre bisedave dhe paralajmëroi vazhdimin e diskutimeve në Bruksel javën e ardhshme.
“Gjithmonë e dobishme për të pasur një diskutim strategjik për Dialogun për normalizimin e marrëdhënieve ndërmjet Kosovës dhe Serbisë dhe dinamikën rajonale me SHBA-në, me O’Brien dhe Kasanof. Mezi presim të vazhdojmë bisedën tonë javën e ardhshme në Bruksel”, është shprehur Lajçak.
Ai ndodhet aktualisht në Nju Jork për punimet e Asamblesë së Përgjithshme të OKB-së, ku ka theksuar se bisedat strategjike janë gjithmonë të dobishme.