Në orën 17:20 minuta deputeti i PD-së, Ervin Salianji doli nga selia blu dhe u nis për t’u dorëzuar në drejtorinë e policisë Tiranë për të bërë burgun për kallëzim të rremë.
“Cdo përpjekje që kam bërë është për të mirën dhe interesin publik. Gjatë diskutimeve grupi ka vendosur që të ngujohet me idenë e një përplasje të qartë duke qenë se është vendim politik që nuk e njohim, por duke qenë se jam shprehur se do të përballem, do ta bëj betejën aty. Beteja do të jetë, shpresoj që të frymëzoj të gjithë qytetarët.
Ne jemi më të mirë se ata. Ne vendosim sakrificën për lirinë, pasi e vërteta nuk ka çmim. Opozita do të nisë protestat në datë 6 Tetor. Nuk kam dashur të lajmëroj protestë para drejtorisë së policisë Tiranë, miqtë do i takoj aty, protestat do të jenë të mëdha” tha ai.
