Pas pushimeve verore, shumë turistë po planifikojnë aventurat e ardhshme. Sipas një artikulli të Franziska Kaindl në revistën gjermane “Merkur.de”, Alpet Shqiptare kanë dalë në krye të listës së destinacioneve interesante për vitin 2025.
Shqipëria po bëhet gjithnjë e më e njohur si një alternativë e përballueshme ndaj Greqisë, me Alpet Shqiptare, të njohura si Prokletije, që ofrojnë peizazhe të mahnitshme dhe parqe kombëtare si Parku Kombëtar i Thethit dhe Lugina e Valbonës. Po ashtu, lumi i Shalës, i quajtur “Tajlanda e Shqipërisë”, është një tjetër atraksion që duhet vizituar.
Ky rekomandim vjen në një kohë kur turistët kërkojnë vende të reja dhe më pak të njohura për t’u eksploruar.
