Ministri i Jashtëm, Igli Hasani, ka takuar stafin e Konsullatës së Përgjithshme të Shqipërisë në New York, duke theksuar se nga janari deri në shtator 2024, janë ofruar 2,600 shërbime konsullore për shqiptarët në SHBA dhe vende të tjera si Meksika, Panama dhe Republika Domenikane.
Në një postim në rrjetet sociale, Hasani njoftoi se gjatë këtij viti janë realizuar gjithsej 107,000 shërbime konsullore nga 42 poste të ndryshme, duke synuar lehtësimin dhe modernizimin e procedurave për të mbështetur qytetarët shqiptarë.
Ai theksoi përkushtimin e stafit për të qenë pranë shqiptarëve në diasporë.
